Япон хэлний мэдлэгийн түвшин тогтоох шалгалтын бүртгэл албан ёсоор эхэллээ. Бүртгэл 2023 оны 9-р сарын 2-ны өдрийг дуустал онлайнаар явагдана. Та jlpt.mn вэбсайтаар орж, шалгалтын зааврыг сайтар уншиж, бүртгэл үүсгэн нэвтэрнэ. Нэвтэрч орсны дараа цээж зураг болон мэдээллийг үнэн зөв оруулж, төлбөрийг QR буюу qpay-аар төлж, дараагийн алхамд шилжин бүртгэлийн дугаар үүсэж баталгаажсан эсэхийг нягтлаарай.

Шалгалтын онлайн бүртгэл УБ болон Дархан гэсэн 2 сонголттой байгаа тул та өөрийн өгөх боломжтой хотыг сонгоно. Бүртгэл үүссэний дараа шалгалт өгөх хот, шалгалтын түвшинг өөрчлөх боломжгүй. Мөн бүртгэл үүссэний дараа хувь хүний зүгээс ямар ч тохиолдолд шалгалтыг цуцлаж, төлбөрийг буцаан авах боломжгүй тул ажлаа сайтар тооцож бүртгүүлнэ үү.

Лавлах утас: 9425-9605, 9025-9605, 9901-4142

Монголын Япон Хэлний Багш нарын Холбоо