2024 оны 7-р сарын 7-ны JLPT шалгалт ЭЕШ-тай давхцаж байгаа тул анхаарна уу!!!

1.    Зорилго : Энэхүү шалгалтын гол зорилго нь ЯПОН ХЭЛНИЙ МЭДЛЭГИЙН ТҮВШИНГ тогтоож, албан ёсоор баталгаажуулахад оршино.

2.     Зохион байгуулагч: ЯПОН САН (JAPAN FOUNDATION)

      Хэрэгжүүлэгч байгууллага: Монголын япон хэлний багш нарын холбоо (МЯХБХ)

3.     Шалгалт авах өдөр, хот: 2024 оны 7 дугаар сарын 7-ны өдөр  /Ням гариг/ 

4.   Шалгалт авах хот: 2024 оны 7-р сарын шалгалт зөвхөн Улаанбаатар хотод явагдана. 12 сарын шалгалт Улаанбаатар, Дархан, Арвайхээр хотуудад болно.

5.     Шалгалтын агуулга: Япон хэлний ханз, үгийн сан, хэлзүйн мэдлэг, уншиж ойлгох, сонсож ойлгох гэсэн үндсэн хэсгээс бүрдэнэ.

             Шалгалт  5 түвшинтэй. Шалгалт өгөгч өөрт тохирох түвшний шалгалтыг өгөх боломжтой юм.    

             Түвшин тус бүрийн  бүтэц болон түвшинг тодорхойлох аргыг jlpt.mn хаягаар орж, “Шалгалтын түвшинг тодорхойлох арга”-аас харна уу.

       Шалгалтын бүртгэл, батламж бичиг олгох болон бусад:

1.    Бүртгэл: Шалгалтын бүртгэл зөвхөн онлайн хэлбэрээр явагдах бөгөөд jlpt.mn хаягаар орж, бүртгүүлэх заавартай сайтар уншиж танилцсаны дараа зааврын дагуу бүртгүүлж, шалгалтын хуудсыг заавал хэвлэж авсан байх шаардлагатай.

2.     Бүртгэх хугацаа: 2024 оны 3 дугаар сарын 23-ний өдрийн 10:00 цагаас 3 дугаар сарын 31-ний өдрийн 23:59 цаг дуустал 24 цагаар бүртгэнэ.

/Жич: 3 дугаар сарын 31-ний өдрийн 23:59 (УБ-ын цагаар) цагаас хоцорсон бол бүртгүүлэх боломжгүй./

Шалгалтын цаг, байрыг 2024 оны 7 дугаар сарын 5-ны өдрийн “Өдрийн сонин”, UBS, TV 5, TM телевизүүдээр мөн jlpt.mn вэбсайтын "Мэдээ" хэсгээр зарлана.

3.     Шалгалтын төлбөр төлөх:  Төлбөр төлөх тусгай данс байхгүй бөгөөд ТӨЛБӨРИЙГ зөвхөн банкны төлбөрийн QR код буюу qPAY уншуулан Хаан банкаар төлнө. Төлбөр төлж, дараагийн алхамд шилжиж, шалгалтын хуудсыг хувилж авснаар таны бүртгэл баталгаажиж, бүртгэлийн дугаар үүсэхийг анхаарна уу.

N1 – 70.000 төгрөг    

N2 – 70.000 төгрөг                                                                                             

N3 – 65.000 төгрөг       

N4 – 55.000 төгрөг    

N5 – 55.000 төгрөг    

Жич: Шалгалтын бүртгэл явагдаж дууссаны дараа Корона вирусын тархалт зэрэг давагдашгүй хүчин зүйлээс хамааран нэгдсэн журмаар шалгалт цуцлагдсан тохиолдолд бүртгэлийн хураамжийн 5 хувь буцаан олгогдохгүй болохыг анхаарна уу. Энэ 5 хувь нь банк, QPay (онлайн төлбөр төлөх систем) компаний төлбөр, бүртгэлийн хураамж болно.

Бүртгэл үүссэний дараа шалгалтанд бүртгүүлэгч хувь хүний зүгээс шалгалтыг цуцлах, төлбөрийг буцаан авах, шалгалтын түвшинг өөрчлөх боломжгүй болох тул шалгалтын өдрийг сайтар тооцон (2024 оны 7-р сарын 7-ны JLPT шалгалт ЭЕШ-тай давхцаж байгаа тул анхаарна уу!!!) ажлаа зохицуулан бүртгүүлэхийг хүсье. 

4.     Тэнцсэн, эс тэнцсэн дүнг мэдэгдэх хуудас болон батламж бичгийг 2024 оны 10 дугаар сарын эхний арав хоногт багтаан олгохоор төлөвлөж байна. Шалгалтын дүнг 2024 оны 8 дугаар сарын сүүлээр онлайнаар харах боломжтой болно. Корона вирусын тархалт гэх мэт цаг үеийн нөхцөл байдлаас хамааран товлосон хугацаанаас хоцрох магадлалтай тул та бүхнийг ойлгон хамтран ажиллана гэдэгт итгэлтэй байна.   

Лавлах утас:  9425-9605, 9025-9605 (10:00-18:00 цагийн хооронд залгах)

Шалгалтын талаарх дэлгэрэнгүй мэдээллийг jlpt.mn вэб хуудаснаас үзэж болно.