2024 оны 7 дугаар сарын JLPT шалгалтын батламжийг 2024 оны 10-р сарын 1-нээс 6-ны хооронд олгож дууссан бөгөөд батламжаа авч амжаагүй шалгалт өгөгчдөд зориулан доорхи хуваарийн дагуу сунгаж олгохоор боллоо. 

Хугацаа: 10 дугаар сарын 16-наас эхлэн 11 дүгээр сарыг дуустал лхагва гараг бүрийн 11:00-15:00 цагийн хооронд Эрдэм товер (Засгийн газрын ордны зүүн хойно, МУИС-ийн 1-р байрын чанх урд, Хүмүүнлэгийн Ухааны Их Сургуулийн залгаа)-ын 12 давхар, 1202 тоотод олгоно. 

Авч ирэх зүйл: Шалгалт өгөгчийн хуудас (хуудасгүй бол олгохгүй), биеийн байцаалт

Мөн 2023 оны 7 болон 12-р сарын шалгалтын хариуг энэ үеэр тараах тул авч амжаагүй шалгалт өгөгч хариугаа ирж авна уу. 

Жич: Шалгалт өгөгч заавал өөрийн биеэр ирж батламжаа авах боломжгүй бол төлөөний хүндээ шалгалт өгөгчийн хуудсыг эх хувиар, биеийн байцаалтын хуулбарыг өгч явуулж болно. Төлөөний хүн мөн биеийн байцаалттай байхыг анхаарна уу

Монголын япон хэлний багш нарын холбоо

Утас: 94259605, 90259605